విధ్వంసక ఆర్థిక విధానాలతో రాష్ట్రం సర్వనాశనం

• జగన్‌రెడ్డి పాలనలో బడ్జెట్‌ కేటాయింపులకు విలువ లేదు
• అసెంబ్లీకి చెప్పకుండా తెచ్చిన రూ.5 లక్షల కోట్ల రుణాలు ఏం చేశారు?
• ఆర్‌బీఐ నుంచి తీసుకున్న తాత్కాలిక అప్పులు రూ.1,18,039 కోట్లు ఏమయ్యాయి?
• ధ్వజమెత్తిన టీడీపీ నేత యనమల రామకృష్ణుడు

అమరావతి: జగన్‌రెడ్డి అనుసరించిన ఆరు విధ్వంస కర ఆర్థిక విధానాలతో రాష్ట్రం సర్వ నాశనమయిందని టీడీపీ పొలిట్‌బ్యూరో సభ్యుడు, శాసనమండలి ప్రతిపక్ష నేత యనమల రామకృష్ణుడు విమర్శించారు. బ్యాడ్‌డెట్‌ (తప్పుడు రుణాలు), హై కరెప్షన్‌(విశృంఖల అవి నీతి), హై ఇన్‌ఫ్లేషన్‌(అధిక ద్రవ్యోల్బణం), హై అన్‌ ఎంప్లా య్‌మెంట్‌(తీవ్ర నిరుద్యోగం), హై డెఫిసిట్స్‌(భారీ ద్రవ్య`రెవిన్యూ లోటు), సిస్టమ్స్‌ కొలాప్స్‌ (వ్యవస్థల నిర్వీర్యం) అనే ఆరు విధ్వంసకర ఆర్ధిక విధానాలతో జగన్‌రెడ్డి రాష్ట్రాన్ని కోలుకోలేని విధంగా నాశనం చేశా రని ఒక ప్రకటనలో యనమల ధ్వజమెత్తారు. జగన్‌ రెడ్డి రాష్ట్రంలోని సహజవనరులను ఇష్టానుసారం దోచు కున్నారు. జగన్‌రెడ్డి ఐదేళ్లలో రూ.6 లక్షల కోట్లు దోచు కున్నారని యనమల ఆరోపించారు.
2-3శాతం కంటే ఎక్కువ ఉండకూడని ద్రవ్యోల్బ ణం నేడు రాష్ట్రంలో 8.5 శాతంగా ఉంది. రాష్ట్రంలో పట్టభద్రుల నిరుద్యోగిత 24శాతం. 2018-19లో రూ.35,467గా ఉన్న ద్రవ్యలోటు 2022-23కి రూ.52,508 కోట్లకు చేరుకుంది. 2018-19లో రూ.13,899గా ఉన్న రెవెన్యూ లోటు 2022-23 నాటికి రూ.43,487కోట్లకు చేరుకుంది.రెవెన్యూ లోటు టీడీపీ హయాంలో మొత్తం రెవెన్యూ రాబడుల్లో 12.12 శాతం ఉంటే నేడు అది 28శాతంగా ఉంది. ఇది టీడీపీ హయాంలో కంటే రెండు రెట్లు కన్నా అధికమని యనమల తెలిపారు.
రాష్ట్ర ఆర్ధిక దుస్థితిపై అసెంబ్లీ సాక్షిగా చేదు నిజా లను దాచిపెట్టి మసిపూసి మారేడు కాయ చేసి రాష్ట్ర ప్రజలను మోసగించాలని వైసీపీ ప్రభుత్వం చూస్తోంది. జగన్‌రెడ్డి పాలనలో అసెంబ్లీ నుంచి అనుమతి పొందిన పద్దులకు సైతం విలువ లేకుండా చేశారు. అసెంబ్లీకి చెప్పేదొకటి చేసేది మరొకటిలా ఐదేళ్ల పాలన సాగింది. 2022-23 ఆర్ధిక సంవత్సరానికి శాసనసభకు చెప్పి తెచ్చిన అప్పులని సైతం బుగ్గన దాచిపెట్టారు. ఇవికాక ఏడాదికి లక్ష కోట్లకు పైగా బడ్జెటేతర అప్పులు తెచ్చా రు. ఈ లెక్కన ఐదేళ్లలో రూ.5లక్షల కోట్లు కేవలం బడ్జె టేతర అప్పులే ఉన్నాయని యనమల స్పష్టం చేశారు.
ఆర్థిక మంత్రి బుగ్గన బడ్జెట్‌ ప్రసంగాన్ని అబద్ధాల తేనెతుట్టెలా తియ్యగా పలికారు. 2022-23 ఏడాది మొత్తం రాష్ట్రాన్ని వైకాపా ప్రభుత్వం రిజర్వ్‌ బ్యాంకు ఆప్‌ ఇండియా(ఆర్‌బీఐ) నుంచి తెచ్చిన తాత్కాలిక అప్పులతోనే నడిపింది. ఏడాదిలో 365 రోజుల్లో 24 రోజులు తప్ప మొత్తం ఏడాది చేబదుళ్లతోనే గడిచింది. ఓడీ 152 రోజులు తీసుకున్నారు. ఈ విధంగా ఆర్‌బీఐ ద్వారా 2022-23 ఆర్థిక సంవత్సరంలో తీసుకున్న రూ.1,18,039 కోట్లు ఏం చేశారో రాష్ట్ర ప్రజలకు చెప్పాలి. జగన్‌రెడ్డి పాలన మొదలైన ఏడాది నుంచి చివరి ఏడాది వరకు ఏడాదికి లక్ష కోట్లకు చొప్పున ఐదేళ్లలో రూ.5లక్షల కోట్లు కార్పొరేషన్ల ద్వారా రుణా లు తీసుకున్నారు. ఈ అప్పులను ఎక్కడ ఖర్చు చేశారో కాగ్‌కు సైతం చెప్పలేదు. జగన్‌రెడ్డి ప్రభుత్వ అప్పులపై కేంద్రం, ఆర్‌బీఐ కూడా హెచ్చరించాయి. ఆంధ్రప్రదేశ్‌ లో ప్రభుత్వరంగ సంస్థలకు అప్పులు ఇచ్చేటప్పుడు జాగ్రత్త ఉండాలని బ్యాంకులను ఆర్‌బీఐ హెచ్చరించిం ది. ఐదేళ్లలో జగన్‌రెడ్డి రూ.7.80 లక్షల కోట్లు అప్పులు చేసినా రాష్ట్రంలో అభివృద్ధి శూన్యం. 2022-23లో తీసుకున్న బడ్జెట్‌ అప్పులు రూ.67,985 కోట్లు అయితే అందులో నుంచి రాష్ట్రానికి ఆస్తులు సృష్టించే మూల ధన వ్యయానికి చేసిన ఖర్చు కేవలం రూ.9,017 కోట్లు మాత్రమే. ఇది రాష్ట్ర స్థూల ఉత్పత్తిలో 0.55 శాతం మాత్రమేనని యనమల తప్పుబట్టారు.
ఖర్చు చేయకుండా రాష్ట్ర స్థూల ఉత్పత్తి (ఎస్‌జీఎస్‌టీి) ఎలా పెరుగుతుంది?
రాష్ట్ర స్థూల ఉత్పత్తి 2021-22లో 11,22,837 కోట్లు ఉండగా 2022-23లో 13,17,728 కోట్లకు పెరిగిందని తప్పుడు లెక్కలు ప్రచురించారు. రాష్ట్రంలో పారిశ్రామిక ప్రగతి శూన్యం. ఆర్‌.టి.ఐ ద్వారా వచ్చిన సమాచారం ప్రకారం జగన్‌రెడ్డి ఐదేళ్లపాలనలో రాష్ట్రం లో గ్రౌండ్‌ అయిన పరిశ్రమలు కేవలం 18. వాటి విలువ కేవలం రూ.5,710కోట్లు. వాటి ద్వారా కల్పిం చబడ్డ ఉద్యోగ అవకాశాలు 9,158. టీడీపీ ఐదేళ్ల హయాంలో రాష్ట్రానికి వచ్చిన పరిశ్రమల సంఖ్య 40, 969, పెట్టుబడులు రూ.11,17,907 కోట్లు, 13,88, 733మంది ఉపాధి అవకాశాలు పొందారు. గత పదేళ్ల లో టీడీపీ,వైకాపా ప్రభుత్వాలు వివిధ రంగాలకు చేసిన వాస్తవఖర్చుల శాతాలుచూస్తే… వ్యవసాయంలో టీడీపీ ప్రభుత్వం 86శాతం ఖర్చుచేస్తే వైకాపా ఖర్చు చేసింది 71శాతం. గ్రామీణాభివృద్ధిలో టీడీపీి 121శాతం ఖర్చు చేస్తే.. వైకాపా చేసింది 72శాతం. నీటిపారుదల, వరద నివారణ పనుల్లో టీడీపీి 102శాతం ఖర్చుచేస్తే, వైకాపా చేసింది 59శాతమే. తాగు నీరు, పారిశుధ్యంలో టిడిపి 130శాతం ఖర్చు చేస్తే.. వైకాపా చేసింది కేవలం 61 శాతం మాత్రమే. వివిధ రంగాలకు బడ్జెట్‌లో కేటాయిం చిన ప్రకారం ఖర్చు చేయకుండా రాష్ట్ర స్థూల ఉత్పత్తి ఏ విధంగా పెరుగు తుంది? రాష్ట్ర తలసరి ఆదాయం ఎందుకు పెరుగుతుంది? రాష్ట్రస్థూల ఉత్పత్తిపై వైకాపా ప్రభుత్వం చెప్పే వన్నీ దొంగ లెక్కలే అని యనమల దుయ్యబట్టారు.
జగన్‌రెడ్డి పాలనలో పేదలు మరింత పేదలయ్యారు
బుగ్గన బడ్జెట్‌ ప్రసంగంలో పేదలు తగ్గారని అబద్ధా లు చెప్పారు. సుస్థిరాభివృద్ధి లక్ష్యాల సూచీలో మన రాష్ట్రం స్థానం ఎక్కడో చెప్పకుండా పేదరికం తగ్గిందని చెప్పడం అవివేకం. వాస్తవానికి జగన్‌రెడ్డి పాలనలో పేదలు మరింత పేదలయ్యారు. సుస్థిరాభివృద్ధి లక్ష్యాల సాధనలో మన రాష్ట్రానిది 13వ స్థానం.హ్యూమన్‌ డెవ లప్‌మెంట్‌ ఇండెక్స్‌లో మనది 20వ స్థానం. దక్షిణాది రాష్ట్రాలైన కేరళ,తమిళనాడు,కర్ణాటకలు పేదరిక నిర్మూ లనలో మనకంటే ఎంతో మెరుగైనస్థానాల్లో ఉన్నాయి. మన కంటే వనరులు తక్కువైన పొరుగు రాష్ట్రం తెలం గాణ..మనకంటే మెరుగైన స్థానంలో నిలిచింది. పేదల ఆరోగ్యం కోసం ఖర్చు చేయాల్సిన ఆరోగ్యశ్రీకి కూడా జగన్‌రెడ్డి రూ.1200 కోట్లు బకాయి పెట్టారు. ఇదేనా పేదరిక నిర్మూలన అని యనమల ప్రశ్నించారు.