ప్రశాంతి నిలయాన్ని సందర్శించిన యువనేత లోకేష్‌

• సత్యసాయి సంస్థల సేవలను వివరించిన ప్రతినిధులు
• సేవా కార్యక్రమాల విస్తరణకు సహకరిస్తామన్న యువనేత

పుట్టపర్తి (చైతన్యరథం): మహా శివరాత్రి పర్వ దినాన్ని పురస్కరించుకొని పుట్టపర్తిలోని ప్రశాంతి నిల యాన్ని యువనేత నారా లోకేష్‌ శుక్రవారం ఉదయం సందర్శించారు. ప్రశాంతి నిలయంలోని కుల్వంత్‌ హాలులో భగవాన్‌ సత్యసాయి బాబా సన్నిధిలో ప్రతి ష్ఠించిన సాయీశ్వర లింగం వద్ద శివరాత్రి సందర్భం గా నిర్వహించిన పూజా కార్యక్రమాల్లో యువనేత పాలుపంచుకున్నారు. ఈ సందర్భంగా సత్యసాయి సంస్థ ప్రతినిధులు… నారా లోకేష్‌ కు సాదరంగా స్వాగతం పలికారు.
ఈ సందర్భంగా సత్యసాయి సంస్థ ఆధ్వర్యాన కొనసాగుతున్న సేవా కార్యక్రమాలను సంస్థ ప్రతినిధులు యువనేతకు వివరిస్తూ… ప్రపంచవ్యాప్తం గా 130 దేశాల్లో 1200కు పైగా కేంద్రాల ద్వారా ఆధ్యాత్మిక, సేవా కార్యక్రమాలు నిరంతరం కొనసాగు తున్నాయన్నారు. ఆయా దేశాలనుంచి ప్రతిఏటా లక్షలాది భక్తులు ప్రశాంతి నిలయాన్ని సందర్శిస్తూ బాబావారి అనుగ్రహం పొందుతున్నారు. సత్యసాయి మంచినీటి ప్రాజెక్టు ద్వారా అనంతపురం జిల్లాతోపాటు ఉభయ గోదావరి జిల్లాల్లోని 1500కు పైగా మారుమూల గ్రామాలకు తాగునీరు అందిస్తున్నాం. పుట్టపర్తిలోని శ్రీ సత్యసాయి ఇన్స్టిట్యూట్‌ ఆఫ్‌ హైయ్యర్‌ మెడికల్‌ సైన్సెస్‌, బెంగళూరు వైట్‌ఫీల్డ్‌ లోని సత్యసాయి జనరల్‌ హాస్పిటల్‌ ద్వారా లక్షలాదిమందికి ఉచిత వైద్యం అందిస్తున్నట్లు సంస్థ ప్రతినిధులు వివరించారు. యువనేత లోకేష్‌ మాట్లాడుతూ… సత్యసాయి బాబా ద్వారా స్ఫూర్తి పొందిన తాము ఎన్టీఆర్‌ ట్రస్ట్‌ ద్వారా సేవా కార్యక్రమాలను కొనసాగిస్తున్నట్లు చెప్పారు. రాబోయే ప్రజాప్రభుత్వంలో సత్యసాయి సంస్థలు అందించే సేవలను మరింత విస్తృతం చేయడానికి అవసరమైన సహాయ, సహకారాలు అందిస్తామని లోకేష్‌ పేర్కొన్నారు.
ఇలాఉంటే పరమ పవిత్రమైన పర్వదినం మహాశివ రాత్రి సందర్భంగా రాష్ట్ర ప్రజలకు లోకేష్‌ శుభాకాంక్ష లు తెలిపారు. ఉపవాస దీక్ష, జాగరణ, ప్రత్యేకపూజలు, శివనామస్మరణలతో అందరికీ శివయ్య అనుగ్రహం కలగాలని కోరుకున్నారు.