అమరావతి: పేదవారి పట్ల ప్రేమ, జాలి, కరుణ చూపిన గొప్ప మానవతామూర్తి మదర్థెరిస్సా అని టీడీపీ నేతలు కొనియాడారు. నోబెల్ అవార్డు పొందిన మదర్ థెరిస్సా 112వ జయంతిని టీడీపీ కేంద్ర కార్యా లయంలో శుక్రవారం నిర్వహించారు. టీడీపీ ఎమ్మెల్సీ పర్చూరి అశోక్ బాబు, ఎమ్మెల్యే నిమ్మల రామానాయుడు మదర్ థెరిస్సా చిత్రపటానికి పూలమాలలు వేసి నివాళులర్పించారు. ఈ సందర్భంగా అశోక్ బాబు మాట్లాడుతూ ప్రపంచానికే ఆదర్శవంతురాలైన మదర్ థెరిస్సాని స్మరణకు తెచ్చుకోవడం ఆనందదాయకంగా ఉందన్నారు. అటువంటి మహనీయురాలి స్ఫూర్తిని అందిపుచ్చుకున్న ఎన్టీఆర్ సమాజమే దేవాలయం-ప్రజలే దేవుళ్లు అని భావించి పార్టీని స్థాపించారని చెప్పారు. ఎటువంటి తార తమ్యాలు లేకుండా ప్రజలకు సేవలందించారన్నారు. పేదవాళ్లు, అనారోగ్యంతో ఇబ్బందులు పడుతున్నవారు, మంచానికే పరిమితమైన రోగులకు మదర్ థెరిస్సా మానవతా దృక్పథంతో నిస్వార్థ సేవలందించినట్లు తెలిపారు. నేటి సమాజంలో మానవత్వం కరువైందనిచెప్పారు. ఒకరంటే ఒకరికి పడడంలేదని, మనుషుల్లో విద్వేషం, కుళ్లు, కుతంత్రాలు గూడుకట్టుకుపోతున్నాయని తెలిపారు. ప్రేమ,జాలి, కరుణ అనేవి మచ్చుకైనా కనిపించని పరి స్థితులు రోజురోజుకూ పెరిగిపోతున్నాయని ఆవేదన వ్యక్తం చేశారు. సమాజంలోని ప్రతిఒక్కరూ ఒకరినొకరు గౌరవించుకుంటూ, ప్రేమాభిమానాలతో మెలిగినప్పుడే జీవితానికి ఒక పరమార్థం ఉంటుందని తెలిపారు. ఎమ్మె ల్యే నిమ్మల రామానాయుడు మాట్లాడుతూ ఎదుటి వ్యక్తికి మేలు చేయకపోయినా పర్వాలేదు కాని,హాని తలపెట్ట కుండా ఉండడం చాలా ఉత్తమమైన గుణమని తెలిపారు. మదర్ థెరిస్సా మాదిరిగా పేదవారిపట్ల ప్రేమ,జాలి, దయ కలిగి నడుచుకోవడం ప్రతిఒక్కరూ అలవర్చుకోవా లని కోరారు.టీడీపీ పేదవారికి,ఆపదలో ఉన్నవారికి ఎన్టీ ఆర్ ట్రస్టుద్వారా ఎన్నోసేవా కార్యక్రమాలు నిర్వహిస్తోం దని వివరించారు.ఇటువంటివి మరింతగా నిర్వహించేం దుకు రానున్న కాలంలో పార్టీ విశేషంగా కృషిచేస్తుందని తెలిపారు. కార్యక్రమంలో పార్టీ జాతీయ అధికార ప్రతినిధి గురజాల మాల్యాద్రి,మర్రెడ్డి శ్రీనివాసరెడ్డి,గోనుగుట్ల కోటే శ్వరరావు, తెలుగునాడు ట్రేడ్ యూనియన్ కౌన్సిల్(టీ ఎన్టీయూసీ) నేత రఘురామరాజు,హసన్ బాషా, బుచ్చి రాం ప్రసాద్,చప్పిడి రాజశేఖర్, పారా రామకృష్ణ, పర్చూ రి కృష్ణ,తెలుగురైతు సాంబిరెడ్డి, పర్చూరి ప్రసాద్, మీడి యా కోఆర్డినేటర్ దారపనేని నరేంద్రబాబు పాల్గొన్నారు.
ప్రేమ, కరుణ చూపిన గొప్ప మానవతామూర్తి మదర్థెరిస్సా
టీడీపీ జాతీయ కార్యాలయంలో ఘన నివాళి
