- కేసుల విషయంలో తండ్రిని కూడా ఇరికించిన ఘనుడు
- ఆయన సంపాదించిన ఆస్తి మొత్తం అక్రమమే..ప్రజల ఆస్తి
- అక్రమాస్తుల్లో దేశంలోనే ఆయన రెండో స్థానంలో ఉన్నారు
- సరస్వతీ పవర్‌కు 2009లో భూములను వైఎస్‌ కట్టబెట్టారు
- ప్రారంభించని పరిశ్రమకు లీజు ఎందుకు పొడిగించాడో చెప్పాలి
- జైలు భయం పట్టుకుని కాంగ్రెస్‌తో మంతనాలు జరుపుతున్నారు
- మాజీ ముఖ్యమంత్రి పదానికే విలువ లేకుండా చేశాడు
- భూకేటాయింపులను రద్దు చేసి ప్రభుత్వం వెనక్కు తీసుకోవాలి
- మాజీ మంత్రి, సర్వేపల్లి ఎమ్మెల్యే సోమిరెడ్డి చంద్రమోహన్‌రెడ్డి
మంగళగిరి(చైతన్యరథం): జగన్‌ను మాజీ ముఖ్యమంత్రి అని పిలవటానికి కూడా అర్హుడు కాడు, ఆ పదానికి విలువ లేకుండా చేశాడని మాజీ మంత్రి, సర్వేపల్లి ఎమ్మెల్యే సోమిరెడ్డి చంద్రమోహన్‌రెడ్డి ధ్వజమెత్తారు. గురువారం మంగళగిరి టీడీపీ కేంద్ర కార్యాలయంలో విలేఖరుల సమావేశంలో ఆయన మాట్లాడారు. జగన్‌ది అతిక్రూర మనస్తత్వంతో భయపడి తల్లి విజయమ్మ, చెల్లి షర్మిళ దూరంగా ఉంటున్నారన్నారు. ఓట్ల కోసం నా తల్లి, నా తండ్రి, నా చెల్లి, నా అక్క అంటాడు..అవసరం తీరిపోయాక ఏరుదాటాక తెప్ప తగలేసిన చందంగా వ్యవహరిస్తాడు. ఇంట్లో తల్లి, చెల్లితో ఆస్తుల విషయంలో ఒక అంగీకారంతో నిర్ణయం తీసుకుని మాట మార్చిన వ్యక్తి జగన్‌ నేడు ఎన్‌సీఎల్‌టీకి ఫిర్యాదు చేయడం ఆయన క్రూర త్వానికి నిదర్శనమన్నారు. తల్లిని, చెల్లిని రాజకీయంగా సరెండర్‌ కావాలంటున్నాడు..
రాజ కీయాలకు, ఆస్తులకు సంబంధం లేదు.. కోట్ల సంపద ఉన్నా తల్లికి, చెల్లికి ఇవ్వడానికి మనసు రాకపోవడం ఆయన ధనదాహానికి నిదర్శనమని పేర్కొన్నారు. జగన్‌ వద్ద ఉన్న ఆస్తి అంతా అక్రమమే..ప్రజల ఆస్తి.. సరస్వతి పవర్‌ కంపెనీకి వైఎస్‌ 2009లో 600 హెక్టార్లకు పైగా క్వారీలను కట్టబెట్టాడని గుర్తుచేశారు. సరస్వతి పవర్‌ అనే కంపెనీని పెట్టాలని బోర్డు రిజల్యూషన్‌ రాకముందే వైఎస్‌ ప్రభుత్వం భూ కేటాయింపులు చేసిందన్నారు. అయితే 2015 వరకు కూడా భారతి సిమెంట్స్‌ ఫ్యాక్టరీ పనులను ప్రారంభించలేదని తెలిపారు. చట్ట ప్రకారం పరిశ్రమకు ప్రభుత్వం భూమి కేటాయిస్తే రెండేళ్లలో పని మొదలుపెట్టాలి.. అవస రమైతే ఆరు నెలలు పొడిగిస్తారు.. అంతకు మించి గడువివ్వరు. అయితే రాజశేఖర్‌రెడ్డి హయాంలో భూమి కేటాయించి ఆరేళ్లు గడిచినా పరిశ్రమ ఏర్పాటు చేయలేదు కానీ జగన్‌ తాను సీఎంగా ఉండగా ఈ భూముల మీద లీజును 30 ఏళ్ల నుంచి 50 ఏళ్లకు పొడిగిం చుకున్నాడని వివరించారు. ఈ కంపెనీలకు సంబంధించిన కేసుల విషయంలో మాత్రం సీబీఐ, ఈడీ, సుప్రీంకోర్టు దాకా వెళ్లడంతో ఇది నాకు సంబంధమే లేదంటూ తండ్రి రాజ శేఖర్‌రెడ్డినే కేసులో ఇరికించిన ఘనుడు జగన్‌రెడ్డి అన్నారు. జగన్‌ నిర్వాకం వల్లే రాజశేఖర్‌ రెడ్డి సీబీఐ, ఈడీ కేసుల్లో ముద్దాయి అయ్యాడు. జగన్‌ క్రూర మనస్తత్వానికి ఇవే నిదర్శన మన్నారు.
శవాలతో రాజకీయం జగన్‌కు వెన్నతో పెట్టిన విద్య
ఆటో కుదవ పెట్టి మా చెల్లి పెళ్లి చేశానని కొందరు పేదలు చెప్పుకుంటుంటారు. అక్క, చెల్లెళ్ల పట్ల అలాంటి ప్రేమ చూపిస్తారు తప్ప తల్లి, చెల్లికే నోటీసులు ఇప్పించాడంటే జగన్‌ మామూలోడు కాదు. దేశంలో ప్రజల ఆస్తులను సొంతానికి కూడగట్టుకున్న వారిలో జగ న్‌రెడ్డి రెండవ స్థానంలో ఉన్నాడు. తల్లి, చెల్లిని బ్లాక్‌ మెయిల్‌ చేయడం సబబుకాదు. చిన్నాన్ననే పొట్టన పెట్టుకున్న కిరాతకుడు. తల్లి ఆవేదన అర్థంకాని వ్యక్తి జగన్‌. మంచి కొడుకు అని అనుకుని మోసపోయామని తల్లే అనడం ఎక్కడైనా ఉంటుందా? శవాలతో రాజకీయం చేయడం జగన్‌కు వెన్నతో పెట్టిన విద్య. చిన్నాన్న విషయంతో అది నిర్ధారణ అయిందని గుర్తుచేశారు. ప్రజలను మోసం చేయొద్దు, శవాల వద్దకు రావద్దని జనం ఛీ కొడుతున్నా ఆయనకు బుద్ధి రావడం లేదు. బెంగళూరు ప్యాలెస్‌లో కూర్చొని జగన్‌ కాం గ్రెస్‌తో మంతనాలు జరుపుతున్నారని బయటికొచ్చింది. కేంద్రం ఎక్కడ కన్నెర్ర చేసి తనను జైల్లో పెట్టిస్తుందో అనే భయం కూడా జగన్‌ను వెంటాడుతుంది. నాటకాలరాయుడు జగన్‌ రెడ్డి కాంగ్రెస్‌తో తనకు విభేదాలున్నాయని నాటకమాడుతున్నాడు.
2009 నుంచి 2015 వరకు ప్రారంభించని పరిశ్రమకు భూముల లీజును 30 ఏళ్ల నుంచి 50 ఏళ్లకు ఎందుకు పెంచుకున్నాడో జగన్‌ రెడ్డి సమాధానం చెప్పాలి. ఆరేళ్ల పాటు ప్రారంభం కాని పరిశ్రమకు ప్రభుత్వ సొమ్ము ఎందుకు ధారాదత్తం చేయాలి? ఎందుకు భూ కేటాయింపులను రద్దు చేయకూడదో చెప్పాలి. సరస్వతీ పవర్‌ను మూడు భాగాలు చేయాలి. ఒక భాగం జగన్‌కు, ఒక భాగం షర్మిలకు తల్లికి, ఒక భాగం గ్రామస్థులకి ఇవ్వాలి. సరస్వతి భూములు పేదలవి. దానికి ఆయన ఎన్‌సీఎల్‌టీకి ఫిర్యాదు చేయడమేంటి? ఏ తల్లి అయినా తన బిడ్డలను సమా నంగా చూస్తుంది. కానీ జగన్‌ చేష్టలకు విజయమ్మ భరించలేక కొడుకును కాదని కూతురు వైపు మొగ్గు చూపింది. జగన్‌ దుర్మార్గాల గురించి వాసిరెడ్డి పద్మ స్వయంగా చెప్పారు. అనేక మంది జగన్‌ పద్దతులు నచ్చక వైసీపీని వదిలేస్తున్నారన్నారు. తాము గెలిచినా, ఓడినా జనం కోసం బతికామని..జగన్‌ లాగా ధనం కోసం బతకలేదని దుయ్యబట్టారు.
