చేసిన మంచి చూసి ఆశీర్వదించండి: లోకేష్‌

• మంగళగిరికి పరిశ్రమలు రావని ఆర్కే చెప్పడం హాస్యాస్పదం
• పరిశ్రమలు తీసుకువచ్చి ఉద్యోగాలు కల్పించే బాధ్యత నాది

తాడేపల్లి(చైతన్నరథం): ప్రజలకు సేవచేయాలని మంగళగిరి వచ్చా, గత ఎన్నికల్లో ఓడిపోయినా 4 సంవత్సరాల 11 నెలలుగా ప్రజల వెన్నంటే ఉండి సేవలందిస్తున్నానని, తాను చేసిన మంచిపనులు చూసి తనను గెలిపించాలని మంగళగిరి నియోజకవర్గ ప్రజల కు యువనేత నారా లోకేష్‌ విజ్ఞప్తి చేశారు. ఎన్నికల ప్రచారంలో భాగంగా తాడేపల్లి శ్రీచక్ర అపార్ట్‌మెంట్‌ వాసులతో సోమవారం యువనేత సమావేశమయ్యారు. ఈ సందర్భంగా లోకేష్‌ మాట్లాడుతూ… పదేళ్లపాటు ఎమ్మెల్యేగా ఉండి నియోజకవర్గానికి ఒక్క పనిచేయలేని అసమర్థుడు ఎమ్మెల్యే ఆర్కే, ఎన్నికలు రావడంతో నిన్న ఒక ఆపార్ట్‌మెంటుకు వెళ్లి మంగళగిరి నియోజకవర్గా నికి పరిశ్రమలు, ఐటీ సంస్థలు రావని చెబుతున్నారని మండిపడ్డారు. ఇంతకంటే సిగ్గుచేటైన విషయం మరే దైనా ఉందా? కాంటినెంటల్‌ కాఫీ, కోకోకోలా యూనిట్లు ఎలా వచ్చాయి, గత ప్రభుత్వ హయాంలో మేం ఐటీి పరిశ్రమలు ఎలా తెచ్చాం? ఎన్నికల తర్వాత ఈ ప్రాంతానికి పరిశ్రమలు తెచ్చి యువతకు ఉద్యోగ, ఉపాధి అవకాశాలు కల్పించే బాధ్యత తాను తీసుకుంటానని లోకేష్‌ చెప్పారు. శాసనసభ్యుడికి ముందుచూపు ఉండాలి. నేను ఐటీ మంత్రిగా ఉన్నప్పుడు మంగళగిరి ఆటోనగర్‌ కి పరిశ్రమలు, ఐటీ సంస్థలు తీసుకువచ్చా. ఆదివారం టిడ్కో ఇళ్ల వద్ద ప్రచారానికి వెళ్లినప్పుడు అక్కడ ఐటీ పార్క్‌ లో ఏర్పాటుచేసిన ఐటీ పరిశ్రమల సముదాయంతో సెల్ఫీ ఛాలెంజ్‌ కూడా చేశా. ఆర్కే చేతగాని చర్యల కారణంగా మంగళగిరి యువత ఉద్యోగాలు, ఉపాధి కోసం హైదరాబాద్‌, చెన్నై, బెంగళూరు వెళ్లే పరిస్థితి నెలకొంది. రానున్న కూటమి ప్రభుత్వంలో మంగళగిరిని దక్షిణ భారతదేశంలోనే గోల్డ్‌ హబ్‌గా చేసి 50వేల మందికి ఉద్యోగ అవకాశాలు కల్పిస్తామని లోకేష్‌ హామీ ఇచ్చారు.

కూల్చివేతలకు పేటెంట్‌ జగన్‌, ఆర్కేలదే!
మంగళగిరిలో లోకేష్‌ గెలిస్తే ఇళ్లు కూల్చేస్తారని దుష్ప్రచారం చేస్తున్నారు.కూల్చివేతలకు పేటెంట్‌ హక్కు సీఎం జగన్‌, ఎమ్మెల్యే ఆళ్ల రామకృష్ణారెడ్డిలదే. తాడే పల్లిలోని జగన్‌ ఇంటివద్ద, ఆత్మకూరు, ఇప్పటం గ్రామ ల్లో పేదల ఇళ్లు ఎవరు కూల్చారో చెప్పాలి. వైకాపా నాయకుల దుష్ప్రచారాన్ని ప్రజలు తిప్పికొట్టాలి. గత 25 ఏళ్లుగా రెండు కుటుంబాలకు అధికారం ఇచ్చారు. నేను చేసిన సేవా కార్యక్రమాల్లో 10 శాతం కూడా గెలిచినవారు చేయలేదు. మంగళగిరిలో సొంత నిధుల తో 29 సంక్షేమ, అభివృద్ధి కార్యక్రమాలు చేపట్టాం. టాటా సంస్థతో ఒప్పందం చేసుకుని 25మగ్గాలతో వీవ ర్స్‌శాల ఏర్పాటుచేశాం. మంగళగిరిలో బ్లాక్‌ డెవలప్‌ మెంట్‌ విధానంలో మౌలిక వసతులను అభివృద్ధి చేస్తాం. భూగర్భ డ్రైనేజీ, ప్రతి ఇంటికి కుళాయి ద్వారా సురక్షితమైన తాగునీరు అందిస్తాం. ఎమ్మెల్యేగా నన్ను, ఎంపీ అభ్యర్థిగా పెమ్మసాని చంద్రశేఖర్‌ను గెలిపించా లి. దేశంలోనే మంగళగిరిని ఆదర్శ నియోజకవర్గంగా తయారు చేస్తామని లోకేష్‌ హామీ ఇచ్చారు.

యువనేత ఎదుట అపార్ట్‌మెంట్‌ వాసుల విన్నపాలు
శ్రీచక్ర అపార్ట్‌మెంట్‌ వాసులు సమస్యలను చెబు తూ… తమ ప్రాంతంలో రిక్రియేషన్‌ పార్కులు ఏర్పాటు చేయాలని కోరారు.తాడేపల్లి పట్టణంలో పన్నులు చాలా ఎక్కువగా ఉన్నాయి. హైదరాబాద్‌లో కూడా ఈ స్థాయి లో పన్నులు లేవు, పన్నుల భారం తగ్గించాలి. దేశరక్షణ కోసం ప్రాణాలకు తెగించి పోరాడినవారి ఆస్తులకు రక్షణ లేకుండా పోయిందని వాపోయారు. యువనేత లోకేష్‌ స్పందిస్తూ అధికారంలోకి వచ్చిన వందరోజుల్లో గంజాయి ముఠాల ఆటకట్టిస్తాం. గంజాయిపై ఇప్పటికే ప్రధాని, హోంమంత్రికి లేఖరాశా. రోడ్లు, తాగునీటి వసతి, పార్కులు, ఇతర మౌలిక సదుపాయాలు కల్పి స్తాం.గతఎన్నికల్లో ఓడిన చోటే గెలిచి నన్ను విమర్శించే వారికి సమాధానం చెబుతానని లోకేష్‌ అన్నారు. జన సేన ఇన్‌ఛార్జి చిల్లపల్లి శ్రీనివాసరావు మాట్లాడుతూ… అమరావతిని నాశనం చేయడంతో ఒకతరం భవిష్యత్‌ నాశనం అయిందన్నారు. నేడు రాజధానిలో సెక్యూరిటీ ఆంక్షల మధ్య తిరగాల్సిన పరిస్థితి వచ్చింది. ఉద్యోగ, ఉపాధి కోసం యువత పొరుగు రాష్ట్రాలకు తరలి పోతోంది. పెట్టుబడులు వచ్చే పరిస్థితులులేవు. సంక్షే మం పేరుతో అభివృద్ధిని విస్మరించారు. గత ఎన్నికల్లో ఓడినా లోకేష్‌ నియోజకవర్గాన్ని అంటిపెట్టుకుని సేవ లందిస్తున్నారు. బిడ్డల భవిష్యత్తు కోసం లోకేష్‌ను అత్యధిక మెజారిటీతో గెలిపించాలని విజ్ఞప్తి చేశారు.