- రాజకీయ ప్రత్యర్థుల ప్రతిష్ట దెబ్బతీసేందుకు ప్రజాధనం దుర్వినియోగం
- దురుద్దేశంతోనే ఐఆర్‌ఆర్‌ కేసులో చంద్రబాబు బెయిల్‌ రద్దు కోసం సుప్రీంకోర్టుకు
- చంద్రబాబుపై పెట్టిన కేసుల్లో కనీస ఆధారాలు జగన్ చూపించగలిగాడా?
- చంద్రబాబుని బదనాం చేయడానికి తండ్రి వైఎస్‌ కంటే ఎక్కువగా జగన్ తాపత్రయం
- నాలుగున్నరేళ్లలో 15,046 కోర్టు ధిక్కరణ కేసులు, 30 వేల రిట్‌ పిటిషన్లు పడటంపై జగన్ ఏం చెబుతాడు?
- మాజీమంత్రి కాల్వ ధ్వజం
అమరావతి: ప్రజలిచ్చిన అధికారాన్ని జగన్‌రెడ్డి రాజకీయ కక్షసాధింపులు తీర్చుకునేందుకు దుర్వినియో గం చేస్తున్నారని టీడీపీ పొలిట్‌బ్యూరో సభ్యుడు, మాజీ మంత్రి కాలవ శ్రీనివాసులు విమర్శించారు. ప్రజాధనం తో దురుద్దేశంతో, రాజకీయ ప్రత్యర్థులపై వేధింపులకు పాల్పడుతూ అధికార దుర్వినియోగానికి పాల్పడుతున్నా డని, పలు సందర్భాల్లో న్యాయస్థానాలు చేసిన వ్యాఖ్యలే అందుకు నిదర్శనమన్నారు. మంగళగిరిలోని పార్టీ జాతీయ కార్యాలయంలో మంగళవారం ఆయన విలేక రులతో మాట్లాడుతూ ఇన్నర్‌రింగ్‌ రోడ్‌(ఐఆర్‌ఆర్‌) కేసు లో ప్రభుత్వం ముద్దాయిగా పేర్కొన్న మాజీ మంత్రి నారాయణకు ఇచ్చిన ముందస్తు బెయిల్‌ రద్దుచేయాలని ఆంధప్రదేశ్‌ ప్రభుత్వం సుప్రీంకోర్టుని ఆశ్రయిస్తే, ఆ అభ్యర్థనను సర్వోన్నత న్యాయస్థానం తిరస్కరించింద న్నారు. అయినా బుద్ధి మారని జగన్ ప్రభుత్వం తాజా గా చంద్రబాబునాయుడి ముందస్తు బెయిల్‌ రద్దుచేయా లని సుప్రీంకోర్టు మెట్లుఎక్కింది.ఒక కేసులో ఒక వ్యక్తికి ఒకరకమైన మినహాయింపు లభిస్తే,అదే కేసులో ముద్దా యిలుగా ఉన్నవారికి కూడా అదే వెసులుబాటు లభిస్తు ందని కొత్తగా నల్లకోటు వేసుకున్న న్యాయవాది కూడా చెబుతాడు. పెద్దపెద్ద న్యాయనిపుణులు, ప్రజల సొమ్ము జీతంగా తీసుకునే సలహాదారుల సలహాలు తీసుకునే జగన్ ప్రభుత్వం, కోట్లాది రూపాయల ప్రజల సొమ్ముని తన కక్షసాధింపుల కోసం న్యాయస్థానాల్లో దుర్వినియో గం చేయడాన్ని ఏమనాలి? ప్రజల్లో టీడీపీ అధినేతను పలుచన చేయాలన్న దురుద్దేశంతోనే ఈనిర్ణయం తీసు కుంది.చంద్రబాబు వంటి నాయకుడిపై జాతీయస్థాయి లో చర్చజరగాలన్న రాజకీయ దురుద్దేశంతోనే ఆయన బెయిల్‌ పిటిషన్‌పై జగన్‌రెడ్డి సర్కార్‌ సుప్రీం కోర్టుకు వెళ్లింది. తనకు ఉన్న అధికారం, డబ్బు మదంతో ఇలాంటి కుటిల చర్యలకు పాల్పడుతున్నాడని కాలవ మండిపడ్డారు.
వైఎస్‌ కంటే ఎక్కువగా..
చంద్రబాబునాయుడిపై, టీడీపీ నేతలపై,తనకు గిట్ట నివారిపై ఈ విధంగా వ్యవహరించడానికేనా జగన్‌రెడ్డి కి ప్రజలు అధికారమిచ్చింది? ప్రతిపక్షాలే కాదు, ఉద్యో గులు, ఉపాధ్యాయులు సహా వివిధ వర్గాలకు తాను ఇచ్చిన హామీలు అమలు చేయకుండా ప్రశ్నించే వారిపై ఉక్కుపాదం మోపడం మరోరకమైన దుర్మార్గం. చంద్రబాబుపై వైసీపీ ప్రభుత్వం పెట్టిన ఇన్నర్‌రింగ్‌ రోడ్‌ కేసులో ఏమైనా ఉందా? ఇన్నర్‌రింగ్‌ రోడ్‌ అలైన్‌ మెంట్‌ మార్చి, లింగమనేని రమేశ్‌కు మేలు చేశారని, తద్వారా ఆ రమేశ్‌కు చెందిన గెస్ట్‌హౌస్‌లో చంద్రబాబు నివాసం ఉంటున్నాడనేది జగన్ అండ్‌ కో చేస్తున్న నిరా ధార ఆరోపణ. చంద్రబాబు తాను నివాసముంటున్న ఇంటికి ఎప్పటికప్పుడు అద్దె చెల్లిస్తున్నారు. చంద్రబాబు పై రాజశేఖర్‌రెడ్డి 26విచారణలు జరిపించాడు. చివ రకు రూపాయి అవినీతి కూడా తేల్చలేక మిన్నకుండి పోయాడు. ఇప్పుడు జగన్‌రెడ్డి తండ్రి కంటే ఎక్కువగా చంద్రబాబుని బదనాం చేయడానికి తాపత్రయ పడు తున్నాడని కాలవ విమర్శించారు.
జగన్ ఏం సమాధానం చెబుతాడు?
ఈ నాలుగున్నరేళ్లలో జగన్‌రెడ్డి ప్రభుత్వంపై 15,046 కోర్టు ధిక్కరణ కేసులు నమోదైతే, 30వేల రిట్‌ పిటిషన్లు దాఖలయ్యాయి. వీటన్నింటికీ జగన్‌రెడ్డి ఏం సమాధానం చెబుతాడు? రాష్ట్రంలో రాజ్యాంగబద్ధ పాలన నడుస్తోందని జగన్ చెప్పగలడా? దుష్ట, దుర్మా ర్గపు, నియంతృత్వ పాలన సాగిస్తూ, అధికారాన్ని అడ్డు పెట్టుకొని జగన్‌రెడ్డి చేస్తున్న అవినీతి, అక్రమాలు, విధ్వంసాలు, అరాచకాలను ప్రజలు గమనిస్తున్నారు. చంద్రబాబుపై పెట్టిన ఇన్నర్‌రింగ్‌ రోడ్‌ కేసు, మద్యం కేసు, ఇసుక కేసు సహా ఇతర కేసులన్నీ జగన్‌రెడ్డి కక్ష సాధింపుల్లో భాగంగా పెట్టినవే. చంద్రబాబునాయుడిని అన్యాయంగా 53రోజులు జైల్లో బంధించి ఆయన ప్రతి ష్టను దెబ్బతీయడానికి జగన్‌రెడ్డి తన పదవిని, అధికా రాన్ని దుర్వినియోగం చేశాడని కాలవ ధ్వజమెత్తారు.
ఒక్కటీ నిరూపించలేకపోయాడు..
రాష్ట్రంలో అరాచక పాలన నడుస్తోంది. జగన్ రెడ్డికి ఇంకా 71రోజుల సమయం ఉంది. తర్వాత టీడీపీ-జనసేన ప్రభుత్వం ఏర్పడటం ఖాయం. చంద్రబాబుపై ఈ ముఖ్యమంత్రి ఎన్ని కేసులు పెట్టినా.. ఎన్ని ఆరోప ణలు చేసినా ఒక్కటీ నిరూపించలేకపోయాడు. కనీస ఆధారాలు చూపించలేకపోయాడు. తప్పుచేయని చంద్ర బాబు ఎవరికీ భయపడడు. చంద్రబాబుపై చేసినవి ఆరోపణలైతే చేశారు.ఒక్కదాన్ని కూడా జగన్‌రెడ్డి నిరూ పించలేకపోయాడు. 12 కేసులున్న జగన్‌రెడ్డి, రూ.43 వేల కోట్ల ప్రజలసొమ్ము దోచుకున్నాడని సీబీఐ, ఈడీలే తేల్చాయి.దుర్మార్గులపై పోరాడుతున్నాడు కాబట్టే, చంద్ర బాబు సభలకు ప్రజలు భారీసంఖ్యలో తరలివచ్చి ఆయ న్ని అభిమానిస్తూ.. ఆదరిస్తున్నారని కాలవ చెప్పారు.
