- ఇదీ గ్రాడ్యుయేట్‌ ఎమ్మెల్సీ ఎన్నికల్లో వైసీపీ తీరు
- శాంతి,భద్రతల సాకు హాస్యాస్పదం
- ఎమ్మెల్సీ భూమిరెడ్డి రాంగోపాల్‌ రెడ్డి ఎద్దేవా
అమరావతి (చైతన్యరథం): ప్రజా మద్దతు లేక, గెలవలేమనే భయంతో వైసీపీ నేతలు గ్రాడ్యుయేట్‌ ఎమ్మెల్సీ ఎన్నికల్లో పోటీ చేయకుండా తప్పుకున్నారని ఎమ్మెల్సీ భూమిరెడ్డి రాంగోపాల్‌ రెడ్డి ఎద్దేవా చేశారు. మంగళగిరిలోని తెలుగుదేశం పార్టీ కేంద్ర కార్యాలయంలో శుశుక్రవారం జరిగిన విలేకరుల సమావేశంలో ఎమ్మెల్సీ భూమిరెడ్డి రాంగోపాల్‌ రెడ్డి మాట్లాడుతూ ఓటమిని ముందే ఒప్పుకొని గ్రాడ్యుయేట్‌ ఎన్నికల నుంచి వైసీపీ నేతలు పలాయనం చిత్తగించారని దుయ్యబట్టారు. వైసీపీ హయాంలో ప్రజాస్వామ్యవాదులను వేధించి, హింసించి, అవమానించడం పరిపాటిగా మారిందన్నారు. ఈ సంఘటనలు మరచిపోలేనివన్నారు. రాష్ట్రంలో ప్రజాస్వామ్యం లేదనడం దెయ్యాలు వేదాలు వల్లించినట్లుగా ఉందన్నారు. గతంలో టీడీపీ నాయకులు తుమ్మినా, దగ్గినా వారిపై కేసులు పెట్టిన చరిత్ర వైసీపీకే దక్కుతుందని అన్నారు. గ్రాడ్యుయేట్‌ ఎమ్మెల్సీ ఎన్నికలను బాయ్‌కాట్‌ చేస్తున్నామని వైసీపీ నాయకులు చెప్పడం ఓటమిని అంగీకరించడమేనని పేర్కొన్నారు. దేశంలో ఎక్కడా లేని విధంగా రాష్ట్రంలో ప్రజాస్వామ్యం ఫరిడవిల్లుతోందని స్పష్టం చేశారు. రాష్ట్రంలో శాంతి భద్రతలు అదుపులోనే ఉన్నాయన్నారు.
వాస్తవాలు తెలియని వైసీపీ నాయకులు అనవసరంగా గగ్గోలు పెడుతున్నారన్నారు. దురుద్దేశంతోనే వైసీపీ నాయకులు పోటీ నుంచి విరమించుకున్నారన్నారు. శాసనసభ సమావేశాలకు వైసీపీ నాయకులు రాకుండా పారిపోవడం వారి పలాయన వాదానికి నిదర్శనమన్నారు. వైసీపీ గ్రాడ్యుయేట్‌ ఎన్నికల్లో పోటీ చేస్తామంటే కావలసిన సౌకర్యాలు కల్పించడానికి కూటమి ప్రభుత్వం సిద్ధంగా ఉందన్నారు. రాష్ట్రంలో జరుగుతున్న రెండు గ్రాడ్యుయేట్‌ ఎమ్మెల్సీ ఎన్నికల్లో వైసీపీ ఎందుకు పోటీ చేయడంలేదో అందరికీ తెలుసని అన్నారు. ఈ రాష్ట్రంలో ప్రజాస్వామ్యం లేదనడం హాస్యాస్పదంగా ఉందన్నారు. శాంతియుతంగా ఎన్నికలు జరిగే పరిస్థితులు లేదనడం ఒక అభూత కల్పన అని పేర్కొన్నారు. స్వేచ్ఛాయుత వాతావరణంలో ఎన్నికలు జరిగే పరిస్థితులు లేవని చెబుతున్నారు. ఆ వాతావరణం కల్పించడానికి కూటమి ప్రభుత్వం సిద్ధంగా ఉందని సత్తా ఉంటే బరిలోకి దిగి చాటుకోవచ్చని సవాలు చేశారు. గ్రాడ్యుయేషన్‌ ఎమ్మెల్సీ ఎన్నికలలో పోటీ చేయడం లేదని బాయ్‌ కాట్‌ చేస్తున్నామని వైసీపీ నాయకులు చెప్పడం వారిలోని ఓటమి భయాన్ని వెల్లడిస్తోందని అన్నారు. దేశంలో ఎక్కడా లేని విధంగా ప్రజాస్వామ్యం రాష్ట్రంలో అమలౌతోందనే విషయం అందరికీ తెలిసన్నారు. రాష్ట్రంలో శాంతి భద్రతలు అదుపులోనే ఉన్నాయి.
దురాలోచనతోను వైసీపీ నేతలు పోటీ నుంచి విరమించుకున్నారని వెల్లడిరచారు. వైసీపీ హయాంలో ఎంపీటీసీ, జడ్పీటీసీ, సర్పంచ్‌ ఎన్నికల సమయంలో వైసీపీ నాయకులు అనేక అఘాయిత్యాలకు పాల్పడ్డారని విమర్శించారు. ఎంత దారుణంగా ఎన్నికలు జరిగాయో ప్రజలంతా గమనించారన్నారు. టీడీపీ నాయకులకు చెందిన నామినేషన్‌ పత్రాలను చించేశారన్నారు. టీడీపీ తరపున పోటీ చేసే అభ్యర్థులను అనేక విధాలుగా బెదిరించారన్నారు. మాట వినకపోతే పోలీసులతో కార్యకర్తలపై దౌర్జన్యాలు, దమనకాండకు పాల్పడి అనేక చోట్ల ఎన్నికలను ఏకగ్రీవం చేసుకున్నారని తెలిపారు. కూటమి ప్రభుత్వం అధికారంలోకి రాగానే ఉపాధ్యాయ నియామకాల్లో భాగంగా టెట్‌ పరీక్షలను నిర్వహించిందని గుర్తు చేశారు. త్వరలో డిఎస్సీ పరీక్షలు నిర్వహిస్తామన్నారు. త్వరలో పోలీసు సిబ్బంది నియామకం జరుగుతుందన్నారు. ఏపీపీఎస్‌సీ ద్వారా ఉద్యోగాలు భర్తీ తసరలోను జరిగిందన్నారు.
నిరుద్యోగ యువతకు ఉద్యోగాలు కల్పించడంలో కూడా కృషి జరుగుతోందని వెల్లడిరచారు. ఇటీవల మంత్రి నారా లోకేష్‌ అమెరికాలో పర్యటించి రాష్ట్రంలో పరిశ్రమలు స్థాపించేందుకు పారిశ్రామికవేత్తలను ఒప్పించారని వెల్లడిరచారు. దీని వల్ల లక్షలాది ఉద్యోగాలు కల్పించడానికి వీలవుతుందన్నారు. ప్రతి నెల 1వ తేదీనే ప్రభుత్వ ఉద్యోగులకు జీతాలు, వృద్ధులకు పెన్షన్‌ ఇస్తున్నామన్నారు. ఉపాధ్యాయులకు పని ఒత్తిడి తగ్గించామన్నారు. వైసీపీ కుట్రలను మాని, గూడుపుఠానీలకు స్వస్తి పలికి ఎన్నికల్లో పోటీ చేయాలన్నారు. ప్రజాస్వామ్యబద్ధంగా ఎన్నికల్లో పోటీచేయడానికి ప్రయత్నం చేయాలని జగన్‌ను కోరుతున్నామని ఎమ్మెల్సీ భూమిరెడ్డి రాంగోపాల్‌ రెడ్డి పిలుపునిచ్చారు.
