- ఓబులాపురం ఖనిజం కడప స్టీల్‌ ప్లాంటుకు తరలించాలి
- ఓబులాపురంలో ఖనిజ దోపిడీని అడ్డుకుంటాం
- టీడీపీ పొలిట్‌ బ్యూరో సభ్యులు కాల్వ శ్రీనివాసులు
అమరావతి: ఓబులాపురం గనుల నుంచి సామాన్యుల ఆస్తుల వరకు అన్నిటిని వైసీపీ దొంగలు దోచే స్తున్నారని మాజీ మంత్రి, టీడీపీ పొలిట్‌ బ్యూరో సభ్యు లు కాల్వ శ్రీనివాసులు మండిపడ్డారు. మంగళగిరిలో ని తెలుగుదేశంపార్టీ కేంద్ర కార్యాలయం ఎన్టీఆర్‌ భవ న్‌లో బుధవారం జరిగిన విలేకరుల సమావేశంలో ఆయన మాట్లాడారు. రాష్ట్రంలోని సహజ వనరులను వైసీపీ నాయకులు దోచుకోవడమే పనిగా పెట్టుకున్నారు. మూడున్న రేళ్లుగా యథేచ్ఛగా ఈతంతు సాగుతోంది. స్వయంగా మంత్రి పెద్దిరెడ్డి రామచంద్రారెడ్డి ఆధ్వర్యంలో గ్రానైట్‌, రాయలసీమలో విలువైన ఖనిజాలను కబ్జా చేస్తున్నా రు. చిన్న యువ పారిశ్రామికవేత్తలు ఆ రంగంలోకి అడుగుపెట్టే ఆలోచనలని, ఆశలని వమ్ముచేస్తున్నారు. గనులన్నింటిని వాళ్ల కబ్జాలోకి తీసుకుంటున్నారు. అర్హులైనవారు దరఖాస్తు చేసినా గనులు దక్కే అవకా శం లేకుండా చేస్తున్నారు. ప్రభుత్వం విడుదల చేసిన గెజిట్‌ నోటిఫికేషన్‌ చూస్తే అనంతపురం జిల్లా సరిహ ద్దులో, బళ్లారి సమీపంలో ఉండే ఓబులాపురం గ్రామ సరిహద్దులో హెచ్‌ సిద్ధాపురం తాండ దగ్గర 25 హెక్టా ర్ల విస్తీర్ణంలో ఉన్న ఐరన్‌ ఓర్‌ మైనింగ్‌ ప్రాంతాన్ని ఏపీ మినరల్‌ డెవలప్‌ మెంట్‌ కార్పొరేషన్‌కు దారాధత్తం చేశారు.ఇది ప్రభుత్వ రంగ సంస్థ. కడప స్టీల్‌ ప్లాంటు కు ఈ ఇనుప ఖనిజాన్ని తరలిస్తే కడప స్టీల్‌ ప్లాంటు పేరుతోనే క్యాపిటల్‌ మైనింగ్‌ఇచ్చే పరిస్థితి ఉంటుంది. కానీ,ఏపీ ఎండీసీ ద్వారా తెలంగాణకు చెందిన మరో ప్రైవేటు వ్యక్తికి దారాధత్తం చేశారు. ఏఎంఆర్‌ కంపె నీకి చెందిన ఓ బడా కాంట్రాక్టర్‌కు దారధత్తం చేస్తూ ఇప్పటికే అగ్రిమెంటు చేసుకున్నారు. 75శాతం అక్కడ లభించే ఖనిజాన్ని కడప స్టీల్‌ ప్లాంటుకి ఇవ్వాలనే నిబంధనని పెట్టారు. కానీ, దానిని పర్యవేక్షించేవారే కరువయ్యారు. వైసీపీ నాయకులు ఇప్పటికే ఇసుక, మట్టిని వదలకుండా యథేచ్ఛగా దోచుకుంటున్నారు. ఈ దోపిడి వారికి రాజమార్గం అయింది.
మైనింగ్‌ దోపిడీకి అడ్డేలేదు
ఓబులాపురం మైనింగ్‌ ప్రాంతంలో జరగబోయే మైనింగ్‌ దోపిడీని ఎవరూ అడ్డుకోలేకపోతున్నారు. ఇందులో స్వయంగా మంత్రి హస్తం ఉందనే ఆరోపణలు మెండుగా వినిపిస్తున్నాయి. మంత్రి పరోక్ష భాగస్వా మ్యంతోనే ఇదంతాజరుగుతోందని సమాచారం అందు తోంది. గతంలో ఓబులాపురంలో జరిగిన మైనింగ్‌ దోపిడికి ఇది పార్ట్‌ – 2. ఏపీ ఎండీసీ ద్వారా ప్రైవేటు వ్యక్తులకు కట్టబెట్టారు. ప్రైవేటు వ్యక్తుల ద్వారా తవ్వ కాలు జరుగుతున్నాయి. వాళ్ల అజమాయిషిలోనే గను ల నిర్వహణ ఉంది. పర్యవేక్షణ ప్రభుత్వం ఎందుకు తీసుకోవడం లేదని ప్రశ్నిస్తున్నాం. క్యాప్టివ్‌ మైనింగ్‌ కింద ఎందుకు కడప స్టీల్‌ ప్లాంటుకు ఇవ్వడం లేదు. ఈ రకంగా దొంగదారుల్లో, దొడ్డిదారుల్లో మరో దోపి డికి తెరతీశారు. మేం గతంలో లేవనెత్తిన అనుమానా లను తాజాగా విడుదల చేసిన గెజిట్‌ నోటిఫికేషన్‌ బలపరుస్తోంది. ఓబులాపురంలో మరోసారి ఇనుప ఖనిజం దోపిడికి కుట్ర జరుగుతోంది. ఈ దోపిడీని అడ్డుకోవడానికి స్థానికి ప్రజల భాగస్వామ్యంతో ఉద్య మాలు చేస్తాం. ఓబులాపురం మైనింగ్‌ కంపెనీ దగ్గర సీబీఐ సీజ్‌ చేసిన ఇనుప ఖనిజాన్ని జగన్‌రెడ్డి ముఖ్య మంత్రి అయిన తరువాత దొంగతనంగా విక్రయించా రని ఒకవ్యక్తి ఫిర్యాదుచేశారు.ఇందులో రాయదుర్గం శాసనసభ్యుడు కాపు రామచంద్రారెడ్డి పాత్ర ఉంది. ఆయన ఆధ్వర్యంలోనే ఇదంతా జరుగుతోంది. ఇది మాములు వ్యక్తులవల్ల కాదు. అధికారంలో ఉన్న వారి కి మాత్రమే సాధ్యం.దీనిపై కేసు నమోదు చేయాలని అక్కడున్న మేజిస్ట్రేట్‌ కోర్టు ఆదేశాలు ఇచ్చింది.
సహజవనరులు దోచుకోవడం వైసీపీకి షరా మామూలే
కుంభకోణాలు, సహజ వనరులను దోచుకోవడం, ప్రజల ఆస్తులను కబ్జా చేయడం వైసీపీ నాయకులకు షరా మామూలైపోయింది. రోజుకో దోపిడి వెలుగులో కి వస్తోంది. ఇప్పటికైనా ఓబులాపురం ఖనిజాన్ని కడప స్టీల్‌ ప్లాంటుకే తరలించాలని కాల్వ శ్రీనివాసులు డిమాండ్‌ చేశారు.
