అమరావతి: సినీ హీరో నారా రోహిత్‌ జన్మదిన వేడుకలను ఆయన అభిమానులు సోమవారం రాష్ట్ర వ్యాప్తంగా ఘనంగా నిర్వహించారు. పాఠశాలలు, అనాథాశ్రయాలు, ఆస్పత్రుల్లో కేక్‌ కటింగ్‌ చేసి పండ్లు, స్వీట్స్‌ పంచి పెట్టారు. పలుచోట్ల అన్నదాన కార్యక్రమాలు నిర్వహించారు. సినీ నిర్మాత అట్లూరి నారాయణరావు ఆధ్వర్యంలో హైదరాబాద్‌, అనంతపురం, కృష్ణా జిల్లా నందిగామతో పాటు గుంటూరు జిల్లా ఉండవల్లిలోని అనాథ ఆశ్రమాలలో కేక్‌ కట్‌ చేసి అన్నదాన కార్యక్రమం నిర్వహించారు. కార్యకర్తలు రాష్ట్రవ్యాప్తంగా సందడి చేశారు. విద్యార్థులు అక్షరాలలో రోహిత్‌ పేరు వచ్చేవిధంగా కూర్చొని శుభాకాంక్షలు తెలిపారు. ఉండవల్లిలో జరిగిన కార్యక్రమంలో అమరావతి రైతులు పాల్గొన్నారు.
సినీ హీరో నారా రోహిత్‌ జన్మదిన వేడుకలు
.అనంతపురం, కృష్ణా, గుంటూరు జిల్లాల్లో అభిమానుల సందడి
