- వైసిపి మంత్రులకు సిగ్గనేది ఉందా?
- ఎప్పటికైనా బిసిల పార్టీ తెలుగుదేశమే
- రూ.8 లక్షల కోట్లు అప్పు చేసి బీసీల కోసం ఒక్క రూపాయి ఖర్చు చేశారా?
- టీడీపీ బీసీల పార్టీ.. జగన్‌ రెడ్డి మాటలు బీసీలు నమ్మరు
- బీసీలకు ఎవరేం చేశారో చర్చకు సిద్ధం
- టీడీపీ రాష్ట్ర అధికార ప్రతినిధి పంచుమర్తి అనురాధ
అమరావతి: బీసీల పార్టీ అంటే తెలుగుదేశమేనని నిన్న విజయవాడలో జరిగిన టీడీపీ బీసీ సాధికార సభకు హాజరైన లక్షాలాది మందిని చూసి అర్థమైపో యి వైసీపీ వెన్నులో వణుకు మొదలైందని టీడీపీ రాష్ట్ర ప్రధాన కార్యదర్శి పంచుమర్తి అనురాధ చెప్పారు. మంగళగిరిలోని తెలుగుదేశంపార్టీ కేంద్ర కార్యాలయం ఎన్టీఆర్‌ భవన్‌లో గురువారం జరిగిన విలేకరుల సమావేశంలో ఆమె మాట్లాడారు. టీడీపీకి బీసీల మద్దతు చూసి భయం తో ముఖ్యమంత్రి జగన్‌రెడ్డి,సజ్జల రామకృష్ణారెడ్డి అరకొర పదవులు పొందిన బీసీ నేతల చేత ప్రెస్‌ మీట్లు పెట్టించి, తాడేపల్లి స్క్రిప్ట్‌ చదివిస్తున్నారు. మూడేళ్లలో ముఖ్యమంత్రి జగన్‌రెడ్డి రూ.8 లక్షల కోట్లు అప్పులు తెచ్చారు. వాటిలో కనీసం ఒక్క రూపాయి బీసీలకు ఖర్చు చేశారా? బీసీలకు ఖర్చు చేయపోగా తెచ్చిన అప్పులకు జగన్‌రెడ్డి పన్నుల రూపంలో బడుగు, బలహీన వర్గాల రక్తం పిండుతున్నారు. బీసీ సబ్‌ప్లాన్‌కి చంద్రబాబు రూ.36 వేల కోట్లు ఖర్చు చేస్తే జగన్‌ రెడ్డి సబ్‌ ప్లాన్‌కి బడ్జెట్‌లో ఒక్క రూపాయి కేటాయించ లేదు. బీసీలకు పారిశ్రామిక రాయితీలు రద్దుచేసి పారి శ్రామికవేత్తలుగా ఎదగనీయకుండా అడ్డుకున్నారు. 11 వేల ఎకరాల బీసీల భూములు లాక్కున్నారు. స్థాని క సంస్థలలో బీసీ నాయకత్వాన్ని పెంపొం దించాలనే ఉద్దేశంతో చంద్రబాబునాయుడు 34శాతం రిజర్వేష న్లు కల్పిస్తే జగన్‌రెడ్డి కోత విధించి 16,800 మంది బీసీలను స్థానికసంస్థలకు ప్రజాప్రతినిధులు కాకుండా అడ్డుకున్నారు. సామాజిక న్యాయం అంటే ఇదేనా? జగన్‌ రెడ్డి బీసీల నిధులు రూ.26వేల కోట్లు దారి మళ్లించారు. ఈ విషయం వైసీసీలోని బీసీ మంత్రులు, నాయకులకు తెలియదా? చంద్రబాబు బీసీలకు ఇచ్చి న పెళ్లి కానుకను సైతం జగన్‌రెడ్డి నిర్వీర్యం చేశారు. చంద్రబాబు వేల కోట్ల రూపాయలతో 1200 బీసీ కమ్యూనిటీ హాళ్ల నిర్మాణం చేపడితే జగన్‌రెడ్డి వాటిని నిలిపివేశారు. చేతివృత్తుల వారికి ప్రోత్సాహం అందిం చేందుకు ఆదరణ పథకం కింద రూ.1000 కోట్లకు పైగా నిధులు కేటాయించి పనిముట్లు అందజేస్తే ఆ పథకాన్ని కాల రాసిన నీచ చరిత్ర జగన్‌రెడ్డిది.
50వేల మందికి కూడా ఇవ్వని నేతన్న నేస్తం
రాష్ట్రంలో మూడున్నర లక్షల మంది చేనేత కార్మి కులుంటే కనీసం 50 వేల మందికి కూడా నేతన్న నేస్తం ఇవ్వటం లేదు. 56 కార్పోరేషన్లు పెట్టామని గొప్పలు చెబున్నారు తప్ప వాటికి కనీసం ఒక్క రూపాయి కేటాయించారా? అక్కడ కూర్చోడానికి కుర్చీలు కూడా లేవు. నిధులు, విధులు లేని పదవులు మాకెందుకని ఆ కార్పోరేషన్ల చైర్మన్లే తమ గోడు వెల్లబోసుకుంటున్నారు.
రాష్ట్రం నలుగురు రెడ్లకు అప్పగింత
జగన్‌రెడ్డి రాష్ట్రాన్ని నాలుగు భాగాలు చేసి తన సామాజికవర్గం వారికి కట్టబెట్టారు. ఉత్తారాంధ్రలోని మూడు జిల్లాలు వైవీ.సుబ్బారెడ్డికి, ఉభయ గోదావరి జిల్లాలను మిథున్‌ రెడ్డికి, కృష్ణా, గుంటూరు జిల్లాలను అయోధ్య రామిరెడ్డికి, ప్రకాశం, నెల్లూరు, కర్నూలు జిల్లాలను వేమిరెడ్డి ప్రభాకర్‌రెడ్డికి, అనంతపురం, చిత్తూరు, కడప జిల్లాలు సజ్జల రామకృష్ణారెడ్డికి కట్ట బెట్టి బీసీ మంత్రులని, ఎమ్మెల్యేలని బంట్రోతుల కంటే హీనంగా చూస్తున్నారు. టీటీడీ చైర్మన్‌గా టీడీపీ ముగ్గు రు బీసీలకు అవకాశం కల్పిస్తే జగన్‌రెడ్డి మాత్రం బీసీకి అవకాశం ఇవ్వకుండా తన బాబాయి వైవీ సుబ్బారెడ్డికే కట్టబెట్టారు. 24 మంది ముఖ్యమంత్రి సలహాదారుల్లో బీసీ ఒక్కరే, 12 మంది యూనివర్సిటీ వైస్‌ చాన్స్‌లర్‌లలో బీసీ ఒక్కరే, 30 మంది ప్రభుత్వ న్యాయవాదులు ఉంటే వారిలో బీసీలు అయిదురు మాత్రమే. ఇలా చెప్పుకుంటూ పోతే బీసీలకు జగన్‌ రెడ్డి చేసిన ద్రోహం చాలా ఉంది.సిగ్గులేని వైసీపీ ప్రభు త్వం 126బీసీ కులాలలో కేవలం 4 కులాలకు అర కొరగా సాయం చేసి ఉద్ధరించామని అసెంబ్లీ సాక్షిగా చెప్పి ఇప్పుడు సిగ్గు లేకుండా ప్రెస్‌ మీట్లు పెట్టి అబద్దా లు చెప్పిస్తారా? 20 లక్షల మంది మత్య్సకారులుంటే లక్ష మందికి మాత్రమే మత్య్సకార భరోసా ఇస్తున్నార ని కూడా అసెంబ్లీ సాక్షిగా చెప్పారు. చేనేతలకు సబ్సి డీలు ఏమీ ఇవ్వలేదని ఆర్టీఐ ద్వారా ప్రభుత్వమే చెప్పింది. చేనేతలకు రూ.111 కోట్ల రుణమాఫీ చేసిన ఘనత చంద్రబాబు నాయుడిదే.చంద్రబాబు హయాం లో బీసీ స్టడీ సర్కిళ్ల ద్వారా వేలాది మంది లబ్ధి పొం దారు. కానీ వాటిని జగన్‌ రెడ్డి నిర్వీర్యం చేశారు.
వైసీపీ వచ్చిన తరువాత 39 మంది బీసీల హత్య
వైసీపీ అధికారంలోకి వచ్చిన మూడున్నరేళ్లలో 39 మంది బీసీలను హత్య చేశారు. ఇక బీసీ మహిళ లపై అత్యాచారాలు లెక్కలేనన్ని. టీడీపీ హయాంలో రజక కార్పొరేషన్‌ ద్వారా ప్రతి ఒక్క గ్రూపుకి రూ.10 లక్షలకు పైగా 7వేల గ్రూపులకి సబ్సిడి రుణాలు ఇచ్చారు. మత్సకారులకి 75శాతం సబ్సిడీతో పడవ లు, వలలు ఇచ్చారు. నాయీ బ్రాహ్మణులని ఆదుకు న్నారు. 16 యూనివర్సిటీలలో 9 మంది బీసీలను వీసీలుగా నియమించారు. నామినేటేటెడ్‌ పోస్టులలో 90శాతం బీసీలకే ఇచ్చారు. జగన్‌రెడ్డి పదే పదే బీసీ లకు రాజ్యసభ పదువులిచ్చామని చెప్పుకుంటున్నారు. వాళ్లలో ఒకరేమో జగన్‌ రెడ్డి కేసుల్లో సహనిందితుడు, మరోకరేమో డబ్బులిచ్చి పదవి కొనుక్కున్నారు. ప్రకాశం జిల్లాలోని ఒక ప్రాంతంలో నాయి బ్రాహ్మణు లు టీడీపీకి ఓటు వేశారని ఊరు నుంచి వెలివేసిని ఘనత వైసీపీది. గత ఎన్నికల్లో కులాల మధ్య చిచ్చు లు పెట్టి వైసీపీ అధికారంలోకి వచ్చింది. మళ్లీ అదే ప్రయత్నం చేయాలనుకుంటే ఈసారి వైసీపీ ప్రణాళిక పారదు. టీడీపీ చెందిన బీసీ నేతలపై జగన్‌ రెడ్డి కక్ష కట్టి అక్రమ కేసులు బనాయించి కోర్టులు చుట్టూ తిప్పుతున్నారు. బీసీల పార్టీ అంటే తెలుగుదేశమే, వైసీపీ నేతలు ఇకనైనా కాకమ్మ కబుర్లు ఆపండి. జగన్‌ రెడ్డి మాయమాటలు బీసీలు నమ్మరు. బీసీలకు ఎవరేం చేశారో సాక్ష్యాలతో సహా ఎప్పుడైనా, ఎక్కడైనా బహిరంగ చర్చకు సిద్దమని పంచుమర్తి అనురాధ సవాల్‌ విసిరారు.
